अंतिम मौन

क्व भूतानि क्व देहो वा क्वेन्द्रियाणि क्व वा मनः । क्व शून्यं क्व च नैराश्यं मत्स्वरूपे निरञ्जने ॥ १ ॥

मेरे निरञ्जन स्वरूप में भूत, देह, इन्द्रिय, मन, शून्य और नैराश्य कहाँ हैं?

क्व शास्त्रं क्वात्मविज्ञानं क्व वा निर्विषयं मनः । क्व तृप्तिः क्व वितृष्णात्वं गतद्वन्द्वस्य मे सदा ॥ २ ॥

द्वंद्वों से पार मेरे लिए शास्त्र, आत्मविज्ञान, निर्विषय मन, तृप्ति और वितृष्णा कहाँ हैं?

क्व विद्या क्व च वाविद्या क्वाहं क्वेदं मम क्व वा । क्व बन्ध क्व च वा मोक्षः स्वरूपस्य क्व रूपिता ॥ ३ ॥

विद्या, अविद्या, मैं, यह, मेरा, बंध, मोक्ष और स्वरूप की रूपिता कहाँ हैं?

क्व प्रारब्धानि कर्माणि जीवन्मुक्तिरपि क्व वा । क्व तद् विदेहकैवल्यं निर्विशेषस्य सर्वदा ॥ ४ ॥

निर्विशेष के लिए प्रारब्ध कर्म, जीवन्मुक्ति और विदेह कैवल्य कहाँ हैं?

क्व कर्ता क्व च वा भोक्ता निष्क्रियं स्फुरणं क्व वा । क्वापरोक्षं फलं वा क्व निःस्वभावस्य मे सदा ॥ ५ ॥

निःस्वभाव मेरे लिए कर्ता, भोक्ता, निष्क्रिय स्फुरण और अपरोक्ष फल कहाँ हैं?

क्व लोकं क्व मुमुक्षुर्वा क्व योगी ज्ञानवान् क्व वा । क्व बद्धः क्व च वा मुक्तः स्वस्वरूपेऽहमद्वये ॥ ६ ॥

अद्वय स्वरूप में मेरे लिए लोक, मुमुक्षु, योगी, ज्ञानी, बद्ध और मुक्त कहाँ हैं?

क्व सृष्टिः क्व च संहारः क्व साध्यं क्व च साधनम् । क्व साधकः क्व सिद्धिर्वा स्वस्वरूपेऽहमद्वये ॥ ७ ॥

अद्वय स्वरूप में सृष्टि, संहार, साध्य, साधन, साधक और सिद्धि कहाँ हैं?

क्व प्रमाता प्रमाणं वा क्व प्रमेयं क्व च प्रमा । क्व किञ्चित् क्व न किञ्चिद् वा सर्वदा विमलस्य मे ॥ ८ ॥

निर्मल मेरे लिए जानने वाला, प्रमाण, ज्ञेय, ज्ञान, कुछ और कुछ-नहीं कहाँ हैं?

क्व विक्षेपः क्व चैकाग्र्यं क्व निर्बोधः क्व मूढता । क्व हर्षः क्व विषादो वा सर्वदा निष्क्रियस्य मे ॥ ९ ॥

निष्क्रिय मेरे लिए भटकना, एकाग्रता, मूढ़ता, हर्ष और विषाद कहाँ हैं?

क्व चैष व्यवहारो वा क्व च सा परमार्थता । क्व सुखं क्व च वा दुखं निर्विमर्शस्य मे सदा ॥ १० ॥

निर्विमर्श मेरे लिए व्यवहार, परमार्थ, सुख और दुख कहाँ हैं?

क्व माया क्व च संसारः क्व प्रीतिर्विरतिः क्व वा । क्व जीवः क्व च तद्ब्रह्म सर्वदा विमलस्य मे ॥ ११ ॥

निर्मल मेरे लिए माया, संसार, प्रीति, विरति, जीव और ब्रह्म कहाँ हैं?

क्व प्रवृत्तिर्निर्वृत्तिर्वा क्व मुक्तिः क्व च बन्धनम् । कूटस्थनिर्विभागस्य स्वस्थस्य मम सर्वदा ॥ १२ ॥

अचल और अपने में स्थित मेरे लिए प्रवृत्ति, निवृत्ति, मुक्ति और बंधन कहाँ हैं?

क्वोपदेशः क्व वा शास्त्रं क्व शिष्यः क्व च वा गुरुः । क्व चास्ति पुरुषार्थो वा निरुपाधेः शिवस्य मे ॥ १३ ॥

उपाधि-रहित मेरे लिए उपदेश, शास्त्र, शिष्य, गुरु और पुरुषार्थ कहाँ हैं?

क्व चास्ति क्व च वा नास्ति क्वास्ति चैकं क्व च द्वयम् । बहुनात्र किमुक्तेन किञ्चिन्नोत्तिष्ठते मम ॥ १४ ॥

होना, न होना, एक और दो कहाँ हैं। अधिक क्या कहें। मुझमें कुछ उठता नहीं।