Vayaviya Samhita

॥ श्रीगणेशाय नमः॥ ६६.० ॥

|| shrIgaNeshAya namaH

श्रीगौरीशङ्कराभ्यां नमः॥ ६६.०-२ ॥

shrIgaurIsha~NkarAbhyAM namaH

श्रीशिवमहापुराणम् ॥ ७.२.३१. एकत्रिंशोऽध्यायः ।शिवमहास्तोत्रवर्णनम् ।उपमन्युरुवाच ।स्तोत्रं वक्ष्यामि ते कृष्ण पञ्चावरणमार्गतः ।योगेश्वरमिदं पुण्यं कर्म येन समाप्यते॥ ६६.१ ॥

shrIshivamahApurANam || 7\.2\.31\. ekatriMsho.adhyAyaH | shivamahAstotravarNanam | upamanyuruvAcha | stotraM vakShyAmi te kR^iShNa pa~nchAvaraNamArgataH | yogeshvaramidaM puNyaM karma yena samApyate

जय जय जगदेकनाथ शम्भो, प्रकृतिमनोहर नित्यचित्स्वभाव ।अतिगतकलुषप्रपञ्चवाचामपि मनसां पदवीमतीततत्त्वम्॥ ६६.२ ॥

jaya jaya jagadekanAtha shambho, prakR^itimanohara nityachitsvabhAva | atigatakaluShaprapa~nchavAchAmapi manasAM padavImatItatattvam

स्वभावनिर्मलाभोग जय सुन्दरचेष्टित ।स्वात्मतुल्यमहाशक्ते जय शुद्धगुणार्णव॥ ६६.३ ॥

svabhAvanirmalAbhoga jaya sundaracheShTita | svAtmatulyamahAshakte jaya shuddhaguNArNava

अनन्तकान्तिसम्पन्न जयासदृशविग्रह ।अतर्क्यमहिमाधार जयानाकुलमङ्गल॥ ६६.४ ॥

anantakAntisampanna jayAsadR^ishavigraha | atarkyamahimAdhAra jayAnAkulama~Ngala

निरञ्जन निराधार जय निष्कारणोदय ।निरन्तरपरानन्द जय निर्वृतिकारण॥ ६६.५ ॥

nira~njana nirAdhAra jaya niShkAraNodaya | nirantaraparAnanda jaya nirvR^itikAraNa

जयातिपरमैश्वर्य जयातिकरुणास्पद ।जय स्वतन्त्रसर्वस्व जयासदृशवैभव॥ ६६.६ ॥

jayAtiparamaishvarya jayAtikaruNAspada | jaya svatantrasarvasva jayAsadR^ishavaibhava

जयावृतमहाविश्व जयानावृत केनचित् ।जयोत्तर समस्तस्य जयात्यन्तनिरुत्तर॥ ६६.७ ॥

jayAvR^itamahAvishva jayAnAvR^ita kenachit | jayottara samastasya jayAtyantaniruttara

जयाद्भुत जयाक्षुद्र जयाक्षत जयाव्यय ।जयामेय जयामाय जयाभाव जयामल॥ ६६.८ ॥

jayAdbhuta jayAkShudra jayAkShata jayAvyaya | jayAmeya jayAmAya jayAbhAva jayAmala

महाभुज महासार महागुण महाकथ ।महाबल महामाय महारस महारथ॥ ६६.९ ॥

mahAbhuja mahAsAra mahAguNa mahAkatha | mahAbala mahAmAya mahArasa mahAratha

नमः परमदेवाय नमः परमहेतवे ।नमः शिवाय शान्ताय नमः शिवतराय ते॥ ६६.१० ॥

namaH paramadevAya namaH paramahetave | namaH shivAya shAntAya namaH shivatarAya te

त्वदधीनमिदं कृत्स्नं जगद्धि ससुरासुरम्॥ ६६.११ ॥

tvadadhInamidaM kR^itsnaM jagaddhi sasurAsuram

अतस्त्वद्विहितामाज्ञां क्षमते कोऽतिवर्तितुम्॥ ६६.१२ ॥

atastvadvihitAmAj~nAM kShamate ko.ativartitum

अयं पुनर्जनो नित्यं भवदेकसमाश्रयः ।भवानतोऽनुगृह्यास्मै प्रार्थितं सम्प्रयच्छतु॥ ६६.१३ ॥

ayaM punarjano nityaM bhavadekasamAshrayaH | bhavAnato.anugR^ihyAsmai prArthitaM samprayachChatu

जयाम्बिके जगन्मातर्जय सर्वजगन्मयि ।जयानवधिकैश्वर्ये जयानुपमविग्रहे॥ ६६.१४ ॥

jayAmbike jaganmAtarjaya sarvajaganmayi | jayAnavadhikaishvarye jayAnupamavigrahe

जय वाङ्मनसातीते जयाचिद्ध्वान्तभञ्जिके ।जय जन्मजराहीने जय कालोत्तरोत्तरे॥ ६६.१५ ॥

jaya vA~NmanasAtIte jayAchiddhvAntabha~njike | jaya janmajarAhIne jaya kAlottarottare

जयानेकविधानस्थे जय विश्वेश्वरप्रिये ।जय विश्वसुराराध्ये जय विश्वविजृम्भिणि॥ ६६.१६ ॥

jayAnekavidhAnasthe jaya vishveshvarapriye | jaya vishvasurArAdhye jaya vishvavijR^imbhiNi

जय मङ्गलदिव्याङ्गि जय मङ्गलदीपिके ।जय मङ्गलचारित्रे जय मङ्गलदायिनि॥ ६६.१७ ॥

jaya ma~NgaladivyA~Ngi jaya ma~NgaladIpike | jaya ma~NgalachAritre jaya ma~NgaladAyini

नमः परमकल्याणगुणसञ्चयमूर्तये ।त्वत्तः खलु समुत्पन्नं जगत्त्वय्येव लीयते॥ ६६.१८ ॥

namaH paramakalyANaguNasa~nchayamUrtaye | tvattaH khalu samutpannaM jagattvayyeva lIyate

त्वद्विनातः फलं दातुमीश्वरोऽपि न शक्नुयात् ।जन्मप्रभृति देवेशि जनोऽयं त्वदुपाश्रितः॥ ६६.१९ ॥

tvadvinAtaH phalaM dAtumIshvaro.api na shaknuyAt | janmaprabhR^iti deveshi jano.ayaM tvadupAshritaH

अतोऽस्य तव भक्तस्य निर्वर्तय मनोरथम् ।पञ्चवक्त्रो दशभुजः शुद्धस्फटिकसन्निभः॥ ६६.२० ॥

ato.asya tava bhaktasya nirvartaya manoratham | pa~nchavaktro dashabhujaH shuddhasphaTikasannibhaH

वर्णब्रह्मकलादेहो देवः सकलनिष्कलः ।शिवमूर्तिसमारूढः शान्त्यतीतः सदाशिवः ।भक्त्या मयार्चितो मह्यं प्रार्थितं शं प्रयच्छतु॥ ६६.२१ ॥

varNabrahmakalAdeho devaH sakalaniShkalaH | shivamUrtisamArUDhaH shAntyatItaH sadAshivaH | bhaktyA mayArchito mahyaM prArthitaM shaM prayachChatu

सदाशिवाङ्कमारूढा शक्तिरिच्छा शिवाह्वया ।जननी सर्वलोकानां प्रयच्छतु मनोरथम्॥ ६६.२२ ॥

sadAshivA~NkamArUDhA shaktirichChA shivAhvayA | jananI sarvalokAnAM prayachChatu manoratham

शिवयोर्दयितौ पुत्रौ देवौ हेरम्बषण्मुखौ ।शिवानुभावौ सर्वज्ञौ शिवज्ञानामृताशिनौ॥ ६६.२३ ॥

shivayordayitau putrau devau herambaShaNmukhau | shivAnubhAvau sarvaj~nau shivaj~nAnAmR^itAshinau

तृप्तौ परस्परं स्निग्धौ शिवाभ्यां नित्यसत्कृतौ ।सत्कृतौ च सदा देवौ ब्रह्माद्यैस्त्रिदशैरपि॥ ६६.२४ ॥

tR^iptau parasparaM snigdhau shivAbhyAM nityasatkR^itau | satkR^itau cha sadA devau brahmAdyaistridashairapi

सर्वलोकपरित्राणं कर्तुमभ्युदितौ सदा ।स्वेच्छावतारं कुर्वन्तौ स्वांशभेदैरनेकशः॥ ६६.२५ ॥

sarvalokaparitrANaM kartumabhyuditau sadA | svechChAvatAraM kurvantau svAMshabhedairanekashaH

ताविमौ शिवयोः पार्श्वे नित्यमित्थं मयार्चितौ ।तयोराज्ञां पुरस्कृत्य प्रार्थितं मे प्रयच्छताम्॥ ६६.२६ ॥

tAvimau shivayoH pArshve nityamitthaM mayArchitau | tayorAj~nAM puraskR^itya prArthitaM me prayachChatAm

शुद्धस्फटिकसङ्काशमीशानाख्यं सदाशिवम् ।मूर्धाभिमानिनी मूर्तिः शिवस्य परमात्मनः॥ ६६.२७ ॥

shuddhasphaTikasa~NkAshamIshAnAkhyaM sadAshivam | mUrdhAbhimAninI mUrtiH shivasya paramAtmanaH

शिवार्चनरतं शान्तं शान्त्यतीतं खमास्थितम् ।पञ्चाक्षरान्तिमं बीजं कलाभिः पञ्चभिर्युतम्॥ ६६.२८ ॥

shivArchanarataM shAntaM shAntyatItaM khamAsthitam | pa~nchAkSharAntimaM bIjaM kalAbhiH pa~nchabhiryutam

प्रथमावरणे पूर्वं शक्त्या सह समर्चितम् ।पवित्रं परमं ब्रह्म प्रार्थितं मे प्रयच्छतु॥ ६६.२९ ॥

prathamAvaraNe pUrvaM shaktyA saha samarchitam | pavitraM paramaM brahma prArthitaM me prayachChatu

बालसूर्यप्रतीकाशं पुरुषाख्यं पुरातनम् ।पूर्ववक्त्राभिमानं च शिवस्य परमेष्ठिनः॥ ६६.३० ॥

bAlasUryapratIkAshaM puruShAkhyaM purAtanam | pUrvavaktrAbhimAnaM cha shivasya parameShThinaH

शान्त्यात्मकं मरुत्संस्थं शम्भोः पादार्चने रतम् ।प्रथमं शिवबीजेषु कलासु च चतुष्कलम्॥ ६६.३१ ॥

shAntyAtmakaM marutsaMsthaM shambhoH pAdArchane ratam | prathamaM shivabIjeShu kalAsu cha chatuShkalam

पूर्वभागे मया भक्त्या शक्त्या सह समर्चितम् ।पवित्रं परमं ब्रह्म प्रार्थितं मे प्रयच्छतु॥ ६६.३२ ॥

pUrvabhAge mayA bhaktyA shaktyA saha samarchitam | pavitraM paramaM brahma prArthitaM me prayachChatu

अञ्जनादिप्रतीकाशमघोरं घोरविग्रहम् ।देवस्य दक्षिणं वक्त्रं देवदेवपदार्चकम्॥ ६६.३३ ॥

a~njanAdipratIkAshamaghoraM ghoravigraham | devasya dakShiNaM vaktraM devadevapadArchakam

विद्यापादं समारूढं वह्निमण्डलमध्यगम् ।द्वितीयं शिवबीजेषु कलास्वष्टकलान्वितम्॥ ६६.३४ ॥

vidyApAdaM samArUDhaM vahnimaNDalamadhyagam | dvitIyaM shivabIjeShu kalAsvaShTakalAnvitam

शम्भोर्दक्षिणदिग्भागे शक्त्या सह समर्चितम् ।पवित्रं परमं ब्रह्म प्रार्थितं मे प्रयच्छतु॥ ६६.३५ ॥

shambhordakShiNadigbhAge shaktyA saha samarchitam | pavitraM paramaM brahma prArthitaM me prayachChatu

कुङ्कुमक्षोदसङ्काशं वामाख्यं वरवेषधृक् ।वक्त्रमुत्तरमीशस्य प्रतिष्ठायां प्रतिष्ठितम्॥ ६६.३६ ॥

ku~NkumakShodasa~NkAshaM vAmAkhyaM varaveShadhR^ik | vaktramuttaramIshasya pratiShThAyAM pratiShThitam

वारिमण्डलमध्यस्थं महादेवार्चने रतम् ।तुरीयं शिवबीजेषु त्रयोदशकलान्वितम्॥ ६६.३७ ॥

vArimaNDalamadhyasthaM mahAdevArchane ratam | turIyaM shivabIjeShu trayodashakalAnvitam

देवस्योत्तरदिग्भागे शक्त्या सह समर्चितम् ।पवित्रं परमं ब्रह्म प्रार्थितं मे प्रयच्छतु॥ ६६.३८ ॥

devasyottaradigbhAge shaktyA saha samarchitam | pavitraM paramaM brahma prArthitaM me prayachChatu

शङ्खकुन्देन्दुधवलं सद्याख्यं सौम्यलक्षणम् ।शिवस्य पश्चिमं वक्त्रं शिवपादार्चने रतम्॥ ६६.३९ ॥

sha~NkhakundendudhavalaM sadyAkhyaM saumyalakShaNam | shivasya pashchimaM vaktraM shivapAdArchane ratam

निवृत्तिपदनिष्ठं च पृथिव्यां समवस्थितम् ।तृतीयं शिवबीजेषु कलाभिश्चाष्टभिर्युतम्॥ ६६.४० ॥

nivR^ittipadaniShThaM cha pR^ithivyAM samavasthitam | tR^itIyaM shivabIjeShu kalAbhishchAShTabhiryutam

देवस्य पश्चिमे भागे शक्त्या सह समर्चितम् ।पवित्रं परमं ब्रह्म प्रार्थितं मे प्रयच्छतु॥ ६६.४१ ॥

devasya pashchime bhAge shaktyA saha samarchitam | pavitraM paramaM brahma prArthitaM me prayachChatu

शिवस्य तु शिवायाश्च हृन्मूर्त्ती शिवभाविते ।तयोराज्ञां पुरस्कृत्य ते मे कामं प्रयच्छताम्॥ ६६.४२ ॥

shivasya tu shivAyAshcha hR^inmUrttI shivabhAvite | tayorAj~nAM puraskR^itya te me kAmaM prayachChatAm

शिवस्य च शिवायाश्च शिवामूर्त्ती शिवाश्रिते ।सत्कृत्य शिवयोराज्ञां ते मे कामं प्रयच्छताम्॥ ६६.४३ ॥

shivasya cha shivAyAshcha shivAmUrttI shivAshrite | satkR^itya shivayorAj~nAM te me kAmaM prayachChatAm

शिवस्य च शिवायाश्च वर्मणी शिवभाविते ।सत्कृत्य शिवयोराज्ञां ते मे कामं प्रयच्छताम्॥ ६६.४४ ॥

shivasya cha shivAyAshcha varmaNI shivabhAvite | satkR^itya shivayorAj~nAM te me kAmaM prayachChatAm

शिवस्य च शिवायाश्च नेत्रमूर्त्ती शिवाश्रिते ।सत्कृत्य शिवयोराज्ञां ते मे कामं प्रयच्छताम्॥ ६६.४५ ॥

shivasya cha shivAyAshcha netramUrttI shivAshrite | satkR^itya shivayorAj~nAM te me kAmaM prayachChatAm

अस्त्रमूर्ती च शिवयोर्नित्यमर्चनतत्परे ।सत्कृत्य शिवयोराज्ञां ते मे कामं प्रयच्छताम्॥ ६६.४६ ॥

astramUrtI cha shivayornityamarchanatatpare | satkR^itya shivayorAj~nAM te me kAmaM prayachChatAm

वामो ज्येष्ठस्तथा रुद्रः कालो विकरणस्तथा ।बलो विकरणश्चैव बलप्रमथनः परः॥ ६६.४७ ॥

vAmo jyeShThastathA rudraH kAlo vikaraNastathA | balo vikaraNashchaiva balapramathanaH paraH

सर्वभूतस्य दमनस्तादृशाश्चाष्टशक्तयः ।प्रार्थितं मे प्रयच्छन्तु शिवयोरेव शासनात्॥ ६६.४८ ॥

sarvabhUtasya damanastAdR^ishAshchAShTashaktayaH | prArthitaM me prayachChantu shivayoreva shAsanAt

अथानन्तश्च सूक्ष्मश्च शिवश्चाप्येकनेत्रकः ।एकरुद्रस्त्रिमूर्तिश्च श्रीकण्ठश्च शिखण्डिकः॥ ६६.४९ ॥

athAnantashcha sUkShmashcha shivashchApyekanetrakaH | ekarudrastrimUrtishcha shrIkaNThashcha shikhaNDikaH

तथाष्टौ शक्तयस्तेषां द्वितीयावरणेऽर्चिताः ।ते मे कामं प्रयच्छन्तु शिवयोरेव शासनात्॥ ६६.५० ॥

tathAShTau shaktayasteShAM dvitIyAvaraNe.architAH | te me kAmaM prayachChantu shivayoreva shAsanAt

भवाद्या मूर्तयश्चाष्टौ तासामपि च शक्तयः ।महादेवादयश्चान्ये तथैकादशमूर्तयः॥ ६६.५१ ॥

bhavAdyA mUrtayashchAShTau tAsAmapi cha shaktayaH | mahAdevAdayashchAnye tathaikAdashamUrtayaH

शक्तिभिः सहिताः सर्वे तृतीयावरणे स्थिताः ।सत्कृत्य शिवयोराज्ञां दिशन्तु फलमीप्सितम्॥ ६६.५२ ॥

shaktibhiH sahitAH sarve tR^itIyAvaraNe sthitAH | satkR^itya shivayorAj~nAM dishantu phalamIpsitam

वृषराजो महातेजा महामेघसमस्वनः ।मेरुमन्दरकैलासहिमाद्रिशिखरोपमः॥ ६६.५३ ॥

vR^iSharAjo mahAtejA mahAmeghasamasvanaH | merumandarakailAsahimAdrishikharopamaH

सिताभ्रशिखराकारः ककुदा परिशोभितः ।महाभोगीन्द्रकल्पेन वालेन च विराजितः॥ ६६.५४ ॥

sitAbhrashikharAkAraH kakudA parishobhitaH | mahAbhogIndrakalpena vAlena cha virAjitaH

रक्तास्यशृङ्गचरणो रक्तप्रायविलोचनः ।पीवरोन्नतसर्वाङ्गः सुचारुगमनोज्ज्वलः॥ ६६.५५ ॥

raktAsyashR^i~NgacharaNo raktaprAyavilochanaH | pIvaronnatasarvA~NgaH suchArugamanojjvalaH

प्रशस्तलक्षणः श्रीमान् प्रज्वलन्मणिभूषणः ।शिवप्रियः शिवासक्तः शिवयोर्ध्वजवाहनः॥ ६६.५६ ॥

prashastalakShaNaH shrImAn prajvalanmaNibhUShaNaH | shivapriyaH shivAsaktaH shivayordhvajavAhanaH

तथा तच्चरणन्यासपावितापरविग्रहः ।गोराजपुरुषः श्रीमान् श्रीमच्छूलवरायुधः ।तयोराज्ञां पुरस्कृत्य स मे कामं प्रयच्छतु॥ ६६.५७ ॥

tathA tachcharaNanyAsapAvitAparavigrahaH | gorAjapuruShaH shrImAn shrImachChUlavarAyudhaH | tayorAj~nAM puraskR^itya sa me kAmaM prayachChatu

नन्दीश्वरो महातेजा नगेन्द्रतनयात्मजः ।सनारायणकैर्देवैर्नित्यमभ्यर्च्य वन्दितः॥ ६६.५८ ॥

nandIshvaro mahAtejA nagendratanayAtmajaH | sanArAyaNakairdevairnityamabhyarchya vanditaH

शर्वस्यान्तःपुरद्वारि सार्धं परिजनैः स्थितः ।सर्वेश्वरसमप्रख्यः सर्वासुरविमर्दनः॥ ६६.५९ ॥

sharvasyAntaHpuradvAri sArdhaM parijanaiH sthitaH | sarveshvarasamaprakhyaH sarvAsuravimardanaH

सर्वेषां शिवधर्माणामध्यक्षत्वेऽभिषेचितः ।शिवप्रियः शिवासक्तः श्रीमच्छूलवरायुधः॥ ६६.६० ॥

sarveShAM shivadharmANAmadhyakShatve.abhiShechitaH | shivapriyaH shivAsaktaH shrImachChUlavarAyudhaH

शिवाश्रितेषु संसक्तस्त्वनुरक्तश्च तैरपि ।सत्कृत्य शिवयोराज्ञां स मे कामं प्रयच्छतु॥ ६६.६१ ॥

shivAshriteShu saMsaktastvanuraktashcha tairapi | satkR^itya shivayorAj~nAM sa me kAmaM prayachChatu

महाकालो महाबाहुर्महादेव इवापरः ।महादेवाश्रितानां तु नित्यमेवाभिरक्षतु॥ ६६.६२ ॥

mahAkAlo mahAbAhurmahAdeva ivAparaH | mahAdevAshritAnAM tu nityamevAbhirakShatu

शिवप्रियः शिवासक्तः शिवयोरर्चकः सदा ।सत्कृत्य शिवयोराज्ञां स मे दिशतु काङ्क्षितम्॥ ६६.६३ ॥

shivapriyaH shivAsaktaH shivayorarchakaH sadA | satkR^itya shivayorAj~nAM sa me dishatu kA~NkShitam

सर्वशास्त्रार्थतत्त्वज्ञः शास्ता विष्णोः परा तनुः ।महामोहात्मतनयो मधुमांसासवप्रियः ।तयोराज्ञां पुरस्कृत्य स मे कामं प्रयच्छतु॥ ६६.६४ ॥

sarvashAstrArthatattvaj~naH shAstA viShNoH parA tanuH | mahAmohAtmatanayo madhumAMsAsavapriyaH | tayorAj~nAM puraskR^itya sa me kAmaM prayachChatu

ब्रह्माणी चैव माहेशी कौमारी वैष्णवी तथा ।वाराही चैव माहेन्द्री चामुण्डा चण्डविक्रमा॥ ६६.६५ ॥

brahmANI chaiva mAheshI kaumArI vaiShNavI tathA | vArAhI chaiva mAhendrI chAmuNDA chaNDavikramA

एता वै मातरः सप्त सर्वलोकस्य मातरः ।प्रार्थितं मे प्रयच्छन्तु परमेश्वरशासनात्॥ ६६.६६ ॥

etA vai mAtaraH sapta sarvalokasya mAtaraH | prArthitaM me prayachChantu parameshvarashAsanAt

मत्तमातङ्गवदनो गङ्गोमाशङ्करात्मजः ।आकाशदेहो दिग्बाहुः सोमसूर्याग्निलोचनः॥ ६६.६७ ॥

mattamAta~Ngavadano ga~NgomAsha~NkarAtmajaH | AkAshadeho digbAhuH somasUryAgnilochanaH

ऐरावतादिभिर्दिव्यैर्दिग्गजैर्नित्यमर्चितः ।शिवज्ञानमदोद्भिन्नस्त्रिदशानामविघ्नकृत्॥ ६६.६८ ॥

airAvatAdibhirdivyairdiggajairnityamarchitaH | shivaj~nAnamadodbhinnastridashAnAmavighnakR^it

विघ्नकृच्चासुरादीनां विघ्नेशः शिवभावितः ।सत्कृत्य शिवयोराज्ञां स मे दिशतु काङ्क्षितम्॥ ६६.६९ ॥

vighnakR^ichchAsurAdInAM vighneshaH shivabhAvitaH | satkR^itya shivayorAj~nAM sa me dishatu kA~NkShitam

षण्मुखः शिवसम्भूतः शक्तिवज्रधरः प्रभुः ।अग्नेश्च तनयो देवो ह्यपर्णातनयः पुनः॥ ६६.७० ॥

ShaNmukhaH shivasambhUtaH shaktivajradharaH prabhuH | agneshcha tanayo devo hyaparNAtanayaH punaH

गङ्गायाश्च गणाम्बायाः कृत्तिकानां तथैव च ।विशाखेन च शाखेन नैगमेयेन चावृतः॥ ६६.७१ ॥

ga~NgAyAshcha gaNAmbAyAH kR^ittikAnAM tathaiva cha | vishAkhena cha shAkhena naigameyena chAvR^itaH

इन्द्रजिच्चन्द्रसेनानीस्तारकासुरजित्तथा ।शैलानां मेरुमुख्यानां वेधकश्च स्वतेजसा॥ ६६.७२ ॥

indrajichchandrasenAnIstArakAsurajittathA | shailAnAM merumukhyAnAM vedhakashcha svatejasA

तप्तचामीकरप्रख्यः शतपत्रदलेक्षणः ।कुमारः सुकुमाराणां रूपोदाहरणं महत्॥ ६६.७३ ॥

taptachAmIkaraprakhyaH shatapatradalekShaNaH | kumAraH sukumArANAM rUpodAharaNaM mahat

शिवप्रियः शिवासक्तः शिवपदार्चकः सदा ।सत्कृत्य शिवयोराज्ञां स मे दिशतु काङ्क्षितम्॥ ६६.७४ ॥

shivapriyaH shivAsaktaH shivapadArchakaH sadA | satkR^itya shivayorAj~nAM sa me dishatu kA~NkShitam

ज्येष्ठा वरिष्ठा वरदा शिवयोर्यजने रता ।तयोराज्ञां पुरस्कृत्य सा मे दिशतु काङ्क्षितम्॥ ६६.७५ ॥

jyeShThA variShThA varadA shivayoryajane ratA | tayorAj~nAM puraskR^itya sA me dishatu kA~NkShitam

त्रैलोक्यवन्दिता साक्षादुल्काकारा गणाम्बिका ।जगत्सृष्टिविवृद्ध्यर्थं ब्रह्मणाभ्यर्थिता शिवात्॥ ६६.७६ ॥

trailokyavanditA sAkShAdulkAkArA gaNAmbikA | jagatsR^iShTivivR^iddhyarthaM brahmaNAbhyarthitA shivAt

शिवायाः प्रविभक्ताया भ्रुवोरन्तरनिःसृताः ।दाक्षायणी सती मेना तथा हैमवती ह्युमा॥ ६६.७७ ॥

shivAyAH pravibhaktAyA bhruvorantaraniHsR^itAH | dAkShAyaNI satI menA tathA haimavatI hyumA

कौशिक्याश्चैव जननी भद्रकाल्यास्तथैव च ।अपर्णायाश्च जननी पाटलायास्तथैव च॥ ६६.७८ ॥

kaushikyAshchaiva jananI bhadrakAlyAstathaiva cha | aparNAyAshcha jananI pATalAyAstathaiva cha

शिवार्चनरता नित्यं रुद्राणी रुद्रवल्लभा ।सत्कृत्य शिवयोराज्ञां सा मे दिशतु काङ्क्षितम्॥ ६६.७९ ॥

shivArchanaratA nityaM rudrANI rudravallabhA | satkR^itya shivayorAj~nAM sA me dishatu kA~NkShitam

चण्डः सर्वगणेशानः शम्भोर्वदनसम्भवः ।सत्कृत्य शिवयोराज्ञां स मे दिशतु काङ्क्षितम्॥ ६६.८० ॥

chaNDaH sarvagaNeshAnaH shambhorvadanasambhavaH | satkR^itya shivayorAj~nAM sa me dishatu kA~NkShitam

पिङ्गलो गणपः श्रीमान् शिवासक्तः शिवप्रियः ।आज्ञया शिवयोरेव स मे कामं प्रयच्छतु॥ ६६.८१ ॥

pi~Ngalo gaNapaH shrImAn shivAsaktaH shivapriyaH | Aj~nayA shivayoreva sa me kAmaM prayachChatu

भृङ्गीशो नाम गणपः शिवराधनतत्परः ।प्रयच्छतु स मे कामं पत्युराज्ञापुरःसरम्॥ ६६.८२ ॥

bhR^i~NgIsho nAma gaNapaH shivarAdhanatatparaH | prayachChatu sa me kAmaM patyurAj~nApuraHsaram

वीरभद्रो महातेजा हिमकुन्देन्दुसन्निभः ।भद्रकालीप्रियो नित्यं मातृणां चाभिरक्षिता॥ ६६.८३ ॥

vIrabhadro mahAtejA himakundendusannibhaH | bhadrakAlIpriyo nityaM mAtR^iNAM chAbhirakShitA

यज्ञस्य च शिरोहर्ता दक्षस्य च दुरात्मनः ।उपेन्द्रेन्द्रयमादीनां देवानामङ्गतक्षकः॥ ६६.८४ ॥

yaj~nasya cha shirohartA dakShasya cha durAtmanaH | upendrendrayamAdInAM devAnAma~NgatakShakaH

शिवस्यानुचरः श्रीमान् शिवशासनपालकः ।शिवयोः शासनादेव स मे दिशतु काङ्क्षितम्॥ ६६.८५ ॥

shivasyAnucharaH shrImAn shivashAsanapAlakaH | shivayoH shAsanAdeva sa me dishatu kA~NkShitam

सरस्वती महेशस्य वाक्सरोजसमुद्भवा ।शिवयोः पूजने सक्ता स मे दिशतु काङ्क्षितम्॥ ६६.८६ ॥

sarasvatI maheshasya vAksarojasamudbhavA | shivayoH pUjane saktA sa me dishatu kA~NkShitam

विष्णोर्वक्षःस्थिता लक्ष्मीः शिवयोः पूजने रता ।शिवयोः शासनादेव सा मे दिशतु काङ्क्षितम्॥ ६६.८७ ॥

viShNorvakShaHsthitA lakShmIH shivayoH pUjane ratA | shivayoH shAsanAdeva sA me dishatu kA~NkShitam

महामोटी महादेव्याः पादपूजापरायणा ।तस्या एव नियोगेन सा मे दिशतु काङ्क्षितम्॥ ६६.८८ ॥

mahAmoTI mahAdevyAH pAdapUjAparAyaNA | tasyA eva niyogena sA me dishatu kA~NkShitam

कौशिकी सिंहमारूढा पार्वत्याः परमा सुता ।विष्णोर्निद्रा महामाया महामहिषमर्दिनी॥ ६६.८९ ॥

kaushikI siMhamArUDhA pArvatyAH paramA sutA | viShNornidrA mahAmAyA mahAmahiShamardinI

निशम्भशुम्भसंहर्त्री मधुमांसासवप्रिया ।सत्कृत्य शासनं मातुः सा मे दिशतु काङ्क्षितम्॥ ६६.९० ॥

nishambhashumbhasaMhartrI madhumAMsAsavapriyA | satkR^itya shAsanaM mAtuH sA me dishatu kA~NkShitam

रुद्रा रुद्रसमप्रख्याः प्रमथाः प्रथितौजसः ।भूताख्याश्च महावीर्या महादेवसमप्रभाः॥ ६६.९१ ॥

rudrA rudrasamaprakhyAH pramathAH prathitaujasaH | bhUtAkhyAshcha mahAvIryA mahAdevasamaprabhAH

नित्यमुक्ता निरुपमा निर्द्वन्द्वा निरुपप्लवाः ।सशक्तयः सानुचराः सर्वलोकनमस्कृताः॥ ६६.९२ ॥

nityamuktA nirupamA nirdvandvA nirupaplavAH | sashaktayaH sAnucharAH sarvalokanamaskR^itAH

सर्वेषामेव लोकानां सृष्टिसंहरणक्षमाः ।परस्परानुरक्ताश्च परस्परमनुव्रताः॥ ६६.९३ ॥

sarveShAmeva lokAnAM sR^iShTisaMharaNakShamAH | parasparAnuraktAshcha parasparamanuvratAH

परस्परमतिस्निग्धाः परस्परनमस्कृताः ।शिवप्रियतमा नित्यं शिवलक्षणलक्षिताः॥ ६६.९४ ॥

parasparamatisnigdhAH parasparanamaskR^itAH | shivapriyatamA nityaM shivalakShaNalakShitAH

सौम्या घोरास्तथा मिश्राश्चान्तरालद्वयात्मिकाः ।विरूपाश्च सुरूपाश्च नानारूपधरास्तथा॥ ६६.९५ ॥

saumyA ghorAstathA mishrAshchAntarAladvayAtmikAH | virUpAshcha surUpAshcha nAnArUpadharAstathA

सत्कृत्य शिवयोराज्ञां ते मे कामं दिशन्तु वै ।देव्या प्रियसखीवर्गो देवीलक्षणलक्षितः॥ ६६.९६ ॥

satkR^itya shivayorAj~nAM te me kAmaM dishantu vai | devyA priyasakhIvargo devIlakShaNalakShitaH

सहितो रुद्रकन्याभिः शक्तिभिश्चाप्यनेकशः ।तृतीयावरणे शम्भोर्भक्त्या नित्यं समर्चितः॥ ६६.९७ ॥

sahito rudrakanyAbhiH shaktibhishchApyanekashaH | tR^itIyAvaraNe shambhorbhaktyA nityaM samarchitaH

सत्कृत्य शिवयोराज्ञां स मे दिशतु मङ्गलम् ।दिवाकरो महेशस्य मूर्तिर्दीप्तिसुमण्डलः॥ ६६.९८ ॥

satkR^itya shivayorAj~nAM sa me dishatu ma~Ngalam | divAkaro maheshasya mUrtirdIptisumaNDalaH

निर्गुणो गुणसङ्कीर्णस्तथैव गुणकेवलः ।अविकारात्मकश्चाद्य एकः सामान्यविक्रियः॥ ६६.९९ ॥

nirguNo guNasa~NkIrNastathaiva guNakevalaH | avikArAtmakashchAdya ekaH sAmAnyavikriyaH

असाधारणकर्मा च सृष्टिस्थितिलयक्रमात् ।एवं त्रिधा चतुर्धा च विभक्ताः पञ्चधा पुनः॥ ६६.१०० ॥

asAdhAraNakarmA cha sR^iShTisthitilayakramAt | evaM tridhA chaturdhA cha vibhaktAH pa~nchadhA punaH

चतुर्थावरणे शम्भोः पूजितश्चानुगैः सह ।शिवप्रियः शिवासक्तः शिवपादार्चने रतः॥ ६६.१०१ ॥

chaturthAvaraNe shambhoH pUjitashchAnugaiH saha | shivapriyaH shivAsaktaH shivapAdArchane rataH

सत्कृत्य शिवयोराज्ञां स मे दिशतु मङ्गलम् ।दिवाकरषडङ्गानि दीप्ताद्याश्चाष्टशक्तयः॥ ६६.१०२ ॥

satkR^itya shivayorAj~nAM sa me dishatu ma~Ngalam | divAkaraShaDa~NgAni dIptAdyAshchAShTashaktayaH

आदित्यो भास्करो भानू रविश्चेत्यनुपूर्वशः ।अर्को ब्रह्मा तथा रुद्रो विष्नुश्चादित्यमूर्तयः॥ ६६.१०३ ॥

Adityo bhAskaro bhAnU ravishchetyanupUrvashaH | arko brahmA tathA rudro viShnushchAdityamUrtayaH

विस्तरा सुतरा बोधिन्याप्यायिन्यपराः पुनः ।उषा प्रभा तथा प्राज्ञा सन्ध्या चेत्यपि शक्तयः॥ ६६.१०४ ॥

vistarA sutarA bodhinyApyAyinyaparAH punaH | uShA prabhA tathA prAj~nA sandhyA chetyapi shaktayaH

सोमादिकेतुपर्यन्ता ग्रहाश्च शिवभाविताः ।शिवयोराज्ञया नुन्ना मङ्गलं प्रदिशन्तु मे॥ ६६.१०५ ॥

somAdiketuparyantA grahAshcha shivabhAvitAH | shivayorAj~nayA nunnA ma~NgalaM pradishantu me

अथवा द्वादशादित्यास्तथा द्वादश शक्तयः ।ऋषयो देवगन्धर्वाः पन्नगाप्सरसां गणाः॥ ६६.१०६ ॥

athavA dvAdashAdityAstathA dvAdasha shaktayaH | R^iShayo devagandharvAH pannagApsarasAM gaNAH

ग्रामण्यश्च तथा यक्षा राक्षसाश्च सुरास्तथा ।सप्त सप्तगणाश्चैते सप्तच्छन्दोमया हयाः॥ ६६.१०७ ॥

grAmaNyashcha tathA yakShA rAkShasAshcha surAstathA | sapta saptagaNAshchaite saptachChandomayA hayAH

वालखिल्यादयश्चैव सर्वे शिवपदार्चकाः ।सत्कृत्य शिवयोराज्ञां मङ्गलं प्रदिशन्तु मे॥ ६६.१०८ ॥

vAlakhilyAdayashchaiva sarve shivapadArchakAH | satkR^itya shivayorAj~nAM ma~NgalaM pradishantu me

ब्रह्माथ देवदेवस्य मूर्तिर्भूमण्डलाधिपः ।चतुःषष्टिगुणैश्वर्यो बुद्धितत्त्वे प्रतिष्ठितः॥ ६६.१०९ ॥

brahmAtha devadevasya mUrtirbhUmaNDalAdhipaH | chatuHShaShTiguNaishvaryo buddhitattve pratiShThitaH

निर्गुणो गुणसङ्कीर्णस्तथैव गुणकेवलः ।अविकारात्मको देवस्ततः साधारणः पुरः॥ ६६.११० ॥

nirguNo guNasa~NkIrNastathaiva guNakevalaH | avikArAtmako devastataH sAdhAraNaH puraH

असाधारणकर्मा च सृष्टिस्थितिलयक्रमात् ।एवं त्रिधा चतुर्धा च विभक्तः पञ्चधा पुनः॥ ६६.१११ ॥

asAdhAraNakarmA cha sR^iShTisthitilayakramAt | evaM tridhA chaturdhA cha vibhaktaH pa~nchadhA punaH

चतुर्थावरणे शम्भोः पूजितश्च सहानुगैः ।शिवप्रियः शिवासक्तः शिवपादार्चने रतः॥ ६६.११२ ॥

chaturthAvaraNe shambhoH pUjitashcha sahAnugaiH | shivapriyaH shivAsaktaH shivapAdArchane rataH

सत्कृत्य शिवयोराज्ञां स मे दिशतु मङ्गलम् ।हिरण्यगर्भो लोकेशो विराट् कालश्च पूरुषः॥ ६६.११३ ॥

satkR^itya shivayorAj~nAM sa me dishatu ma~Ngalam | hiraNyagarbho lokesho virAT kAlashcha pUruShaH

सनत्कुमारः सनकः सनन्दश्च सनातनः ।प्रजानां पतयश्चैव दक्षाद्या ब्रह्मसूनवः॥ ६६.११४ ॥

sanatkumAraH sanakaH sanandashcha sanAtanaH | prajAnAM patayashchaiva dakShAdyA brahmasUnavaH

एकादश सपत्नीका धर्मः सङ्कल्प एव च ।शिवार्चनरताश्चैते शिवभक्तिपरायणाः॥ ६६.११५ ॥

ekAdasha sapatnIkA dharmaH sa~Nkalpa eva cha | shivArchanaratAshchaite shivabhaktiparAyaNAH

शिवाज्ञावशगाः सर्वे दिशन्तु मम मङ्गलम् ।चत्वारश्च तथा वेदाः सेतिहासपुराणकाः॥ ६६.११६ ॥

shivAj~nAvashagAH sarve dishantu mama ma~Ngalam | chatvArashcha tathA vedAH setihAsapurANakAH

धर्मशास्त्राणि विद्याभिर्वैदिकीभिः समन्विताः ।परस्पराविरुद्धार्थाः शिवप्रकृतिपादकाः॥ ६६.११७ ॥

dharmashAstrANi vidyAbhirvaidikIbhiH samanvitAH | parasparAviruddhArthAH shivaprakR^itipAdakAH

सत्कृत्य शिवयोराज्ञां मङ्गलं प्रदिशन्तु मे ।अथ रुद्रो महादेवः शम्भोर्मूर्तिर्गरीयसी॥ ६६.११८ ॥

satkR^itya shivayorAj~nAM ma~NgalaM pradishantu me | atha rudro mahAdevaH shambhormUrtirgarIyasI

वाह्नेयमण्डलाधीशः पौरुषैश्वर्यवान् प्रभुः ।शिवाभिमानसम्पन्नो निर्गुणस्त्रिगुणात्मकः॥ ६६.११९ ॥

vAhneyamaNDalAdhIshaH pauruShaishvaryavAn prabhuH | shivAbhimAnasampanno nirguNastriguNAtmakaH

केवलं सात्त्विकश्चापि राजसश्चैव तामसः ।अविकाररतः पूर्वं ततस्तु समविक्रियः॥ ६६.१२० ॥

kevalaM sAttvikashchApi rAjasashchaiva tAmasaH | avikArarataH pUrvaM tatastu samavikriyaH

असाधारणकर्मा च सृष्ट्यादिकरणात्पृथक् ।ब्रह्मणोऽपि शिरश्छेत्ता जनकस्तस्य तत्सुतः॥ ६६.१२१ ॥

asAdhAraNakarmA cha sR^iShTyAdikaraNAtpR^ithak | brahmaNo.api shirashChettA janakastasya tatsutaH

जनकस्तनयश्चापि विष्णोरपि नियामकः ।बोधकश्च तयोर्नित्यमनुग्रहकरः प्रभुः॥ ६६.१२२ ॥

janakastanayashchApi viShNorapi niyAmakaH | bodhakashcha tayornityamanugrahakaraH prabhuH

अण्डस्यान्तर्बहिर्वर्ती रुद्रो लोकद्वयाधिपः ।शिवप्रियः शिवासक्तः शिवपादार्चने रतः॥ ६६.१२३ ॥

aNDasyAntarbahirvartI rudro lokadvayAdhipaH | shivapriyaH shivAsaktaH shivapAdArchane rataH

शिवस्याज्ञां पुरस्कृत्य स मे दिशतु मङ्गलम् ।तस्य ब्रह्म षडङ्गानि विद्येशानां तथाष्टकम्॥ ६६.१२४ ॥

shivasyAj~nAM puraskR^itya sa me dishatu ma~Ngalam | tasya brahma ShaDa~NgAni vidyeshAnAM tathAShTakam

चत्वारो मूर्तिभेदाश्च शिवपूर्वाः शिवार्चकाः ।शिवो भवो हरश्चैव मृडश्चैव तथापरः ।शिवस्याज्ञां पुरस्कृत्य मङ्गलं प्रदिशन्तु मे॥ ६६.१२५ ॥

chatvAro mUrtibhedAshcha shivapUrvAH shivArchakAH | shivo bhavo harashchaiva mR^iDashchaiva tathAparaH | shivasyAj~nAM puraskR^itya ma~NgalaM pradishantu me

अथ विष्णुर्महेशस्य शिवस्यैव परा तनुः ।वारितत्त्वाधिपः साक्षादव्यक्तपदसंस्थितः॥ ६६.१२६ ॥

atha viShNurmaheshasya shivasyaiva parA tanuH | vAritattvAdhipaH sAkShAdavyaktapadasaMsthitaH

निर्गुणः सत्त्वबहुलस्तथैव गुणकेवलः ।अविकाराभिमानी च त्रिसाधारणविक्रियः॥ ६६.१२७ ॥

nirguNaH sattvabahulastathaiva guNakevalaH | avikArAbhimAnI cha trisAdhAraNavikriyaH

असाधारणकर्मा च सृष्ट्यादिकरणात्पृथक् ।दक्षिणाङ्गभवेनापि स्पर्धमानः स्वयम्भुवा॥ ६६.१२८ ॥

asAdhAraNakarmA cha sR^iShTyAdikaraNAtpR^ithak | dakShiNA~NgabhavenApi spardhamAnaH svayambhuvA

आद्येन ब्रह्मणा साक्षात्सृष्टः स्रष्टा च तस्य तु ।अण्डस्यान्तर्बहिर्वर्ती विष्णुर्लोकद्वयाधिपः॥ ६६.१२९ ॥

Adyena brahmaNA sAkShAtsR^iShTaH sraShTA cha tasya tu | aNDasyAntarbahirvartI viShNurlokadvayAdhipaH

असुरान्तकरश्चक्री शक्रस्यापि तथानुजः ।प्रादुर्भूतश्च दशधा भृगुशापच्छलादिह॥ ६६.१३० ॥

asurAntakarashchakrI shakrasyApi tathAnujaH | prAdurbhUtashcha dashadhA bhR^igushApachChalAdiha

भूभारनिग्रहार्थाय स्वेच्छयावातरत् क्षितौ ।अप्रमेयबलो मायी मायया मोहयन् जगत्॥ ६६.१३१ ॥

bhUbhAranigrahArthAya svechChayAvAtarat kShitau | aprameyabalo mAyI mAyayA mohayan jagat

मूर्तिं कृत्वा महाविष्णुं सदाशिष्णुमथापि वा ।वैष्णवैः पूजितो नित्यं मूर्तित्रयमयासने॥ ६६.१३२ ॥

mUrtiM kR^itvA mahAviShNuM sadAshiShNumathApi vA | vaiShNavaiH pUjito nityaM mUrtitrayamayAsane

शिवप्रियः शिवासक्तः शिवपादार्चने रतः ।शिवस्याज्ञां पुरस्कृत्य स मे दिशतु मङ्गलम्॥ ६६.१३३ ॥

shivapriyaH shivAsaktaH shivapAdArchane rataH | shivasyAj~nAM puraskR^itya sa me dishatu ma~Ngalam

वासुदेवोऽनिरुद्धश्च प्रद्युम्नश्च ततः परः ।सङ्कर्षणः समाख्याताश्चतस्रो मूर्तयो हरेः॥ ६६.१३४ ॥

vAsudevo.aniruddhashcha pradyumnashcha tataH paraH | sa~NkarShaNaH samAkhyAtAshchatasro mUrtayo hareH

मत्स्यः कूर्मो वराहश्च नारसिंहोऽथ वामनः ।रामत्रयं तथा कृष्णो विष्णुस्तुरगवक्त्रकः॥ ६६.१३५ ॥

matsyaH kUrmo varAhashcha nArasiMho.atha vAmanaH | rAmatrayaM tathA kR^iShNo viShNusturagavaktrakaH

चक्रं नारायणस्यास्त्रं पाञ्चजन्यं च शार्ङ्गकम् ।सत्कृत्य शिवयोराज्ञां मङ्गलं प्रदिशन्तु मे॥ ६६.१३६ ॥

chakraM nArAyaNasyAstraM pA~nchajanyaM cha shAr~Ngakam | satkR^itya shivayorAj~nAM ma~NgalaM pradishantu me

प्रभा सरस्वती गौरी लक्ष्मीश्च शिवभाविता ।शिवयोः शासनादेता मङ्गलं प्रदिशन्तु मे॥ ६६.१३७ ॥

prabhA sarasvatI gaurI lakShmIshcha shivabhAvitA | shivayoH shAsanAdetA ma~NgalaM pradishantu me

इन्द्रोऽग्निश्च यमश्चैव निरृतिर्वरुणस्तथा ।वायुः सोमः कुबेरश्च तथेशानस्त्रिशूलधृक्॥ ६६.१३८ ॥

indro.agnishcha yamashchaiva nirR^itirvaruNastathA | vAyuH somaH kuberashcha tatheshAnastrishUladhR^ik

सर्वे शिवार्चनरताः शिवसद्भावभाविताः ।सत्कृत्य शिवयोराज्ञां मङ्गलं प्रदिशन्तु मे॥ ६६.१३९ ॥

sarve shivArchanaratAH shivasadbhAvabhAvitAH | satkR^itya shivayorAj~nAM ma~NgalaM pradishantu me

त्रिशूलमथ वज्रं च तथा परशुसायकौ ।खड्गपाशाङ्कुशाश्चैव पिनाकश्चायुधोत्तमः॥ ६६.१४० ॥

trishUlamatha vajraM cha tathA parashusAyakau | khaDgapAshA~NkushAshchaiva pinAkashchAyudhottamaH

दिव्यायुधानि देवस्य देव्याश्चैतानि नित्यशः ।सत्कृत्य शिवयोराज्ञां रक्षां कुर्वन्तु मे सदा॥ ६६.१४१ ॥

divyAyudhAni devasya devyAshchaitAni nityashaH | satkR^itya shivayorAj~nAM rakShAM kurvantu me sadA

वृषरूपधरो देवः सौरभेयो महाबलः ।वडवाख्यानलस्पर्द्धी पञ्चगोमातृभिर्वृतः॥ ६६.१४२ ॥

vR^iSharUpadharo devaH saurabheyo mahAbalaH | vaDavAkhyAnalasparddhI pa~nchagomAtR^ibhirvR^itaH

वाहनत्वमनुप्राप्तस्तपसा परमेशयोः ।तयोराज्ञां पुरस्कृत्य स मे कामं प्रयच्छतु॥ ६६.१४३ ॥

vAhanatvamanuprAptastapasA parameshayoH | tayorAj~nAM puraskR^itya sa me kAmaM prayachChatu

नन्दा सुनन्दा सुरभिः सुशीला सुमनास्तथा ।पञ्च गोमातरस्त्वेताः शिवलोके व्यवस्थिताः॥ ६६.१४४ ॥

nandA sunandA surabhiH sushIlA sumanAstathA | pa~ncha gomAtarastvetAH shivaloke vyavasthitAH

शिवभक्तिपरा नित्यं शिवार्चनपरायणाः ।शिवयोः शासनादेव दिशन्तु मम वाञ्छितम्॥ ६६.१४५ ॥

shivabhaktiparA nityaM shivArchanaparAyaNAH | shivayoH shAsanAdeva dishantu mama vA~nChitam

क्षेत्रपालो महातेजा नीलजीमूतसन्निभः ।दंष्ट्राकरालवदनः स्फुरद्रक्ताधरोज्ज्वलः॥ ६६.१४६ ॥

kShetrapAlo mahAtejA nIlajImUtasannibhaH | daMShTrAkarAlavadanaH sphuradraktAdharojjvalaH

रक्तोर्ध्वमूर्धजः श्रीमान् भृकुटीकुटिलेक्षणः ।रक्तवृत्तत्रिनयनः शशिपन्नगभूषणः॥ ६६.१४७ ॥

raktordhvamUrdhajaH shrImAn bhR^ikuTIkuTilekShaNaH | raktavR^ittatrinayanaH shashipannagabhUShaNaH

नग्नस्त्रिशूलपाशासिकपालोद्यतपाणिकः ।भैरवो भैरवैः सिद्धैर्योगिनीभिश्च संवृतः॥ ६६.१४८ ॥

nagnastrishUlapAshAsikapAlodyatapANikaH | bhairavo bhairavaiH siddhairyoginIbhishcha saMvR^itaH

क्षेत्रे क्षेत्रे समासीनः स्थितो यो रक्षकः सताम् ।शिवप्रणामपरमः शिवसद्भावभावितः॥ ६६.१४९ ॥

kShetre kShetre samAsInaH sthito yo rakShakaH satAm | shivapraNAmaparamaH shivasadbhAvabhAvitaH

शिवाश्रितान् विशेषेण रक्षन् पुत्रानिवौरसान् ।सत्कृत्य शिवयोराज्ञां स मे दिशतु मङ्गलम्॥ ६६.१५० ॥

shivAshritAn visheSheNa rakShan putrAnivaurasAn | satkR^itya shivayorAj~nAM sa me dishatu ma~Ngalam

तालजङ्घादयस्तस्य प्रथमावरणेऽर्चिताः ।सत्कृत्य शिवयोराज्ञां चत्वारः समवन्तु माम्॥ ६६.१५१ ॥

tAlaja~NghAdayastasya prathamAvaraNe.architAH | satkR^itya shivayorAj~nAM chatvAraH samavantu mAm

भैरवाद्याश्च ये चान्ये समन्तात्तस्य वेष्टिताः ।तेऽपि मामनुगृह्णन्तु शिवशासनगौरवात्॥ ६६.१५२ ॥

bhairavAdyAshcha ye chAnye samantAttasya veShTitAH | te.api mAmanugR^ihNantu shivashAsanagauravAt

नारदाद्याश्च मुनयो दिव्या देवैश्च पूजिताः ।साध्या नागाश्च ये देवा जनलोकनिवासिनः॥ ६६.१५३ ॥

nAradAdyAshcha munayo divyA devaishcha pUjitAH | sAdhyA nAgAshcha ye devA janalokanivAsinaH

विनिवृत्ताधिकाराश्च महर्लोकनिवासिनः ।सप्तर्षयस्तथान्ये वै वैमानिकगुणैः सह॥ ६६.१५४ ॥

vinivR^ittAdhikArAshcha maharlokanivAsinaH | saptarShayastathAnye vai vaimAnikaguNaiH saha

सर्वे शिवार्चनरताः शिवाज्ञावशवर्तिनः ।शिवयोराज्ञया मह्यं दिशन्तु समकाङ्क्षितम्॥ ६६.१५५ ॥

sarve shivArchanaratAH shivAj~nAvashavartinaH | shivayorAj~nayA mahyaM dishantu samakA~NkShitam

गन्धर्वाद्याः पिशाचान्ताश्चतस्रो देवयोनयः ।सिद्धा विद्याधराद्याश्च येऽपि चान्ये नभश्चराः॥ ६६.१५६ ॥

gandharvAdyAH pishAchAntAshchatasro devayonayaH | siddhA vidyAdharAdyAshcha ye.api chAnye nabhashcharAH

असुरा राक्षसाश्चैव पातालतलवासिनः ।अनन्ताद्याश्च नागेन्द्रा वैनतेयादयो द्विजाः॥ ६६.१५७ ॥

asurA rAkShasAshchaiva pAtAlatalavAsinaH | anantAdyAshcha nAgendrA vainateyAdayo dvijAH

कूष्माण्डाः प्रेतवेताला ग्रहा भूतगणाः परे ।डाकिन्यश्चापि योगिन्यः शाकिन्यश्चापि तादृशाः॥ ६६.१५८ ॥

kUShmANDAH pretavetAlA grahA bhUtagaNAH pare | DAkinyashchApi yoginyaH shAkinyashchApi tAdR^ishAH

क्षेत्रारामगृहादीनि तीर्थान्यायतनानि च ।द्वीपाः समुद्रा नद्यश्च नदाश्चान्ये सरांसि च॥ ६६.१५९ ॥

kShetrArAmagR^ihAdIni tIrthAnyAyatanAni cha | dvIpAH samudrA nadyashcha nadAshchAnye sarAMsi cha

गिरयश्च सुमेर्वाद्याः काननानि समन्ततः ।पशवः पक्षिणो वृक्षाः कृमिकीटादयो मृगाः॥ ६६.१६० ॥

girayashcha sumervAdyAH kAnanAni samantataH | pashavaH pakShiNo vR^ikShAH kR^imikITAdayo mR^igAH

भुवनान्यपि सर्वाणि भुवनानामधीश्वराः ।अण्डान्यावरणैः सार्धमासाश्च दश दिग्गजाः॥ ६६.१६१ ॥

bhuvanAnyapi sarvANi bhuvanAnAmadhIshvarAH | aNDAnyAvaraNaiH sArdhamAsAshcha dasha diggajAH

वर्णाः पदानि मन्त्राश्च तत्त्वान्यपि सहाधिपैः ।ब्रह्माण्डधारका रुद्रा रुद्राश्चान्ये सशक्तिकाः॥ ६६.१६२ ॥

varNAH padAni mantrAshcha tattvAnyapi sahAdhipaiH | brahmANDadhArakA rudrA rudrAshchAnye sashaktikAH

यच्च किञ्चिज्जगत्यस्मिन्दृष्टं चानुमितं श्रुतम् ।सर्वे कामं प्रयच्छन्तु शिवयोरेव शासनात्॥ ६६.१६३ ॥

yachcha ki~nchijjagatyasmindR^iShTaM chAnumitaM shrutam | sarve kAmaM prayachChantu shivayoreva shAsanAt

अथ विद्या परा शैवी पशुपाशविमोचिनी ।पञ्चार्थसंज्ञिता दिव्या पशुविद्याबहिष्कृता॥ ६६.१६४ ॥

atha vidyA parA shaivI pashupAshavimochinI | pa~nchArthasa.nj~nitA divyA pashuvidyAbahiShkR^itA

शास्त्रं च शिवधर्माख्यं धर्माख्यं च तदुत्तरम् ।शैवाख्यं शिवधर्माख्यं पुराणं श्रुतिसम्मितम्॥ ६६.१६५ ॥

shAstraM cha shivadharmAkhyaM dharmAkhyaM cha taduttaram | shaivAkhyaM shivadharmAkhyaM purANaM shrutisammitam

शैवागमाश्च ये चान्ये कामिकाद्याश्चतुर्विधाः ।शिवाभ्यामविशेषेण सत्कृत्येह समर्चिताः॥ ६६.१६६ ॥

shaivAgamAshcha ye chAnye kAmikAdyAshchaturvidhAH | shivAbhyAmavisheSheNa satkR^ityeha samarchitAH

ताभ्यामेव समाज्ञाता ममाभिप्रेतसिद्धये ।कर्मेदमनुमन्यन्तां सफलं साध्वनुष्ठितम्॥ ६६.१६७ ॥

tAbhyAmeva samAj~nAtA mamAbhipretasiddhaye | karmedamanumanyantAM saphalaM sAdhvanuShThitam

श्वेताद्या नकुलीशान्ताः सशिष्याश्चापि देशिकाः ।तत्सन्ततीया गुरवो विशेषाद् गुरवो मम॥ ६६.१६८ ॥

shvetAdyA nakulIshAntAH sashiShyAshchApi deshikAH | tatsantatIyA guravo visheShAd guravo mama

शैवा माहेश्वराश्चैव ज्ञानकर्मपरायणाः ।कर्मेदमनुमन्यन्तां सफलं साध्वनुष्ठितम्॥ ६६.१६९ ॥

shaivA mAheshvarAshchaiva j~nAnakarmaparAyaNAH | karmedamanumanyantAM saphalaM sAdhvanuShThitam

लौकिका ब्राह्मणाः सर्वे क्षत्रियाश्च विशः क्रमात् ।वेदवेदाङ्गतत्त्वज्ञाः सर्वशास्त्रविशारदाः॥ ६६.१७० ॥

laukikA brAhmaNAH sarve kShatriyAshcha vishaH kramAt | vedavedA~Ngatattvaj~nAH sarvashAstravishAradAH

साङ्ख्या वैशेषिकाश्चैव यौगा नैयायिका नराः ।सौरा ब्रह्मास्तथा रौद्रा वैष्णवाश्चापरे नराः॥ ६६.१७१ ॥

sA~NkhyA vaisheShikAshchaiva yaugA naiyAyikA narAH | saurA brahmAstathA raudrA vaiShNavAshchApare narAH

शिष्टाः सर्वे विशिष्टाश्च शिवशासनयन्त्रिताः ।कर्मेदमनुमन्यन्तां ममाभिप्रेतसाधकम्॥ ६६.१७२ ॥

shiShTAH sarve vishiShTAshcha shivashAsanayantritAH | karmedamanumanyantAM mamAbhipretasAdhakam

शैवाः सिद्धान्तमार्गस्थाः शैवाः पाशुपतास्तथा ।शैवा महाव्रतधराः शैवाः कापालिकाः परे॥ ६६.१७३ ॥

shaivAH siddhAntamArgasthAH shaivAH pAshupatAstathA | shaivA mahAvratadharAH shaivAH kApAlikAH pare

शिवाज्ञापालकाः पूज्या ममापि शिवशासनात् ।सर्वे ममानुगृह्णन्तु शंसन्तु सफलक्रियाम्॥ ६६.१७४ ॥

shivAj~nApAlakAH pUjyA mamApi shivashAsanAt | sarve mamAnugR^ihNantu shaMsantu saphalakriyAm

दक्षिणज्ञाननिष्ठाश्च दक्षिणोत्तरमार्गगाः ।अविरोधेन वर्तन्तां मन्त्रं श्रेयोऽर्थिनो मम॥ ६६.१७५ ॥

dakShiNaj~nAnaniShThAshcha dakShiNottaramArgagAH | avirodhena vartantAM mantraM shreyo.arthino mama

नास्तिकाश्च शठाश्चैव कृतघ्नाश्चैव तामसाः ।पाषण्डाश्चातिपापाश्च वर्तन्तां दूरतो मम॥ ६६.१७६ ॥

nAstikAshcha shaThAshchaiva kR^itaghnAshchaiva tAmasAH | pAShaNDAshchAtipApAshcha vartantAM dUrato mama

बहुभिः किं स्तुतैरत्र येऽपि केऽपि चिदास्तिकाः ।सर्वे मामनुगृह्णन्तु सन्तः शंसन्तु मङ्गलम्॥ ६६.१७७ ॥

bahubhiH kiM stutairatra ye.api ke.api chidAstikAH | sarve mAmanugR^ihNantu santaH shaMsantu ma~Ngalam

नमः शिवाय साम्बाय ससुतायादिहेतवे ।पञ्चावरणरूपेण प्रपञ्चेनावृताय ते॥ ६६.१७८ ॥

namaH shivAya sAmbAya sasutAyAdihetave | pa~nchAvaraNarUpeNa prapa~nchenAvR^itAya te

इत्युक्त्वा दण्डवद् भूमौ प्रणिपत्य शिवं शिवाम् ।जपेत्पञ्चाक्षरीं विद्यामष्टोत्तरशतावराम्॥ ६६.१७९ ॥

ityuktvA daNDavad bhUmau praNipatya shivaM shivAm | japetpa~nchAkSharIM vidyAmaShTottarashatAvarAm

तथैव शक्तिविद्यां च जपित्वा तत्समर्पणम् ।कृत्वा तं क्षमयित्वेशं पूजाशेषं समापयेत्॥ ६६.१८० ॥

tathaiva shaktividyAM cha japitvA tatsamarpaNam | kR^itvA taM kShamayitveshaM pUjAsheShaM samApayet

एतत्पुण्यतमं स्तोत्रं शिवयोर्हृदयङ्गमम् ।सर्वाभीष्टप्रदं साक्षाद्भुक्तिमुक्त्यैकसाधनम्॥ ६६.१८१ ॥

etatpuNyatamaM stotraM shivayorhR^idaya~Ngamam | sarvAbhIShTapradaM sAkShAdbhuktimuktyaikasAdhanam

य इदं कीर्तयेन्नित्यं शृणुयाद्वा समाहितः ।स विधूयाशु पापानि शिवसायुज्यमाप्नुयात्॥ ६६.१८२ ॥

ya idaM kIrtayennityaM shR^iNuyAdvA samAhitaH | sa vidhUyAshu pApAni shivasAyujyamApnuyAt

गोघ्नश्चैव कृतघ्नश्च वीरहा भ्रूणहापि वा ।शरणागतघाती च मित्रविश्रम्भघातकः॥ ६६.१८३ ॥

goghnashchaiva kR^itaghnashcha vIrahA bhrUNahApi vA | sharaNAgataghAtI cha mitravishrambhaghAtakaH

दुष्टपापसमाचारो मातृहा पितृहापि वा ।स्तवेनानेन जप्तेन तत्तत्पापात् प्रमुच्यते॥ ६६.१८४ ॥

duShTapApasamAchAro mAtR^ihA pitR^ihApi vA | stavenAnena japtena tattatpApAt pramuchyate

दुःस्वप्नादिमहानर्थसूचकेषु भयेषु च ।यदि सङ्कीर्तयेदेतन्न ततोऽनर्थभाग्भवेत्॥ ६६.१८५ ॥

duHsvapnAdimahAnarthasUchakeShu bhayeShu cha | yadi sa~NkIrtayedetanna tato.anarthabhAgbhavet

आयुरारोग्यमैश्वर्यं यच्चान्यदपि वाञ्छितम् ।स्तोत्रस्यास्य जपे तिष्ठंस्तत्सर्वं लभते नरः॥ ६६.१८६ ॥

AyurArogyamaishvaryaM yachchAnyadapi vA~nChitam | stotrasyAsya jape tiShThaMstatsarvaM labhate naraH

असम्पूज्य शिवस्तोत्रं जपात्फलमुदाहृतम् ।सम्पूज्य च जपे तस्य फलं वक्तुं न शक्यते॥ ६६.१८७ ॥

asampUjya shivastotraM japAtphalamudAhR^itam | sampUjya cha jape tasya phalaM vaktuM na shakyate

आस्तामियं फलावाप्तिरस्मिन् सङ्कीर्तिते सति ।सार्धमम्बिकया देवः श्रुत्यैवं दिवि तिष्ठति॥ ६६.१८८ ॥

AstAmiyaM phalAvAptirasmin sa~NkIrtite sati | sArdhamambikayA devaH shrutyaivaM divi tiShThati

तस्मान्नभसि सम्पूज्य देवदेवं सहोमया ।कृताञ्जलिपुटस्तिष्ठन् स्तोत्रमेतदुदीरयेत्॥ ६६.१८९ ॥

tasmAnnabhasi sampUjya devadevaM sahomayA | kR^itA~njalipuTastiShThan stotrametadudIrayet

॥ श्रीगणेशाय नमः॥ ६७.० ॥

|| shrIgaNeshAya namaH

श्रीगौरीशङ्कराभ्यां नमः॥ ६७.०-२ ॥

shrIgaurIsha~NkarAbhyAM namaH

श्रीशिवमहापुराणम् ॥ ७.२.३२. द्वात्रिंशोऽध्यायः ।ऐहिकसिद्धिकर्मवर्णनम् ।उपमन्युरुवाच ।एतत्ते कथितं कृष्ण कर्मेहामुत्र सिद्धिदम् ।क्रियातपोजपध्यानसमुच्चयमयं परम्॥ ६७.१ ॥

shrIshivamahApurANam || 7\.2\.32\. dvAtriMsho.adhyAyaH | aihikasiddhikarmavarNanam | upamanyuruvAcha | etatte kathitaM kR^iShNa karmehAmutra siddhidam | kriyAtapojapadhyAnasamuchchayamayaM param

अथ वक्ष्यामि शैवानामिहैव फलदं नृणाम् ।पूजाहोमजपध्यानतपोदानमयं महत्॥ ६७.२ ॥

atha vakShyAmi shaivAnAmihaiva phaladaM nR^iNAm | pUjAhomajapadhyAnatapodAnamayaM mahat

तत्र संसाधयेत्पूर्वं मन्त्रं मन्त्रार्थवित्तमः ।दृष्टसिद्धिकरं कर्म नान्यथा फलदं यतः॥ ६७.३ ॥

tatra saMsAdhayetpUrvaM mantraM mantrArthavittamaH | dR^iShTasiddhikaraM karma nAnyathA phaladaM yataH

सिद्धमन्त्रोऽप्यदृष्टेन प्रबलेन तु केनचित् ।प्रतिबन्धफलं कर्म न कुर्यात्सहसा बुधः॥ ६७.४ ॥

siddhamantro.apyadR^iShTena prabalena tu kenachit | pratibandhaphalaM karma na kuryAtsahasA budhaH

तस्य तु प्रतिबन्धस्य कर्तुं शक्येह निष्कृतिः ।परीक्ष्य शकुनाद्यैस्तदादौ निष्कृतिमाचरेत्॥ ६७.५ ॥

tasya tu pratibandhasya kartuM shakyeha niShkR^itiH | parIkShya shakunAdyaistadAdau niShkR^itimAcharet

योऽन्यथा कुरुते मोहात्कर्मैहिकफलं नरः ।न तेन फलभाक्स स्यात्प्राप्नुयाच्चोपहास्यताम्॥ ६७.६ ॥

yo.anyathA kurute mohAtkarmaihikaphalaM naraH | na tena phalabhAksa syAtprApnuyAchchopahAsyatAm

अविस्रब्धो न कुर्वीत कर्म दृष्टफलं क्वचित् ।स खल्वश्रद्धधानः स्यान्नाश्रद्धः फलमृच्छति॥ ६७.७ ॥

avisrabdho na kurvIta karma dR^iShTaphalaM kvachit | sa khalvashraddhadhAnaH syAnnAshraddhaH phalamR^ichChati

नापराधोऽस्ति देवस्य कर्मण्यपि तु निष्फले ।यथोक्तकारिणां पुंसामिहैव फलदर्शनात्॥ ६७.८ ॥

nAparAdho.asti devasya karmaNyapi tu niShphale | yathoktakAriNAM puMsAmihaiva phaladarshanAt

साधकः सिद्धमन्त्रश्च निरस्तप्रतिबन्धकः ।विश्वस्तः श्रद्धधानश्च कुर्वन्नाप्नोति तत्फलम्॥ ६७.९ ॥

sAdhakaH siddhamantrashcha nirastapratibandhakaH | vishvastaH shraddhadhAnashcha kurvannApnoti tatphalam

अथवा तत्फलावाप्त्यै ब्रह्मचर्यरतो भवेत् ।रात्रौ हविष्यमश्नीयात्पायसं वा फलानि वा॥ ६७.१० ॥

athavA tatphalAvAptyai brahmacharyarato bhavet | rAtrau haviShyamashnIyAtpAyasaM vA phalAni vA

हिंसादि यन्निषिद्धं स्यान्न कुर्यान्मनसापि तत् ।सदा भस्मानुलिप्ताङ्गः सुवेषश्च शुचिर्भवेत्॥ ६७.११ ॥

hiMsAdi yanniShiddhaM syAnna kuryAnmanasApi tat | sadA bhasmAnuliptA~NgaH suveShashcha shuchirbhavet

इत्थमाचारवान्भूत्वा स्वानुकूले शुभेऽहनि ।पूर्वोक्तलक्षणे देशे पुष्पदामाद्यलङ्कृते॥ ६७.१२ ॥

itthamAchAravAnbhUtvA svAnukUle shubhe.ahani | pUrvoktalakShaNe deshe puShpadAmAdyala~NkR^ite

आलिप्य शकृता भूमिं हस्तमानावरां यथा ।विलिखेत्कमले भद्रे दीप्यमानं स्वतेजसा॥ ६७.१३ ॥

Alipya shakR^itA bhUmiM hastamAnAvarAM yathA | vilikhetkamale bhadre dIpyamAnaM svatejasA

तप्तजाम्बूनदमयमष्टपत्रं सकेसरम् ।मध्ये कर्णिकया युक्तं सर्वरत्नैरलङ्कृतम्॥ ६७.१४ ॥

taptajAmbUnadamayamaShTapatraM sakesaram | madhye karNikayA yuktaM sarvaratnairala~NkR^itam

स्वाकारसदृशेनैव नालेन च समन्वितम् ।तादृशे स्वर्णनिर्माणे कन्दे सम्यग्विधानतः॥ ६७.१५ ॥

svAkArasadR^ishenaiva nAlena cha samanvitam | tAdR^ishe svarNanirmANe kande samyagvidhAnataH

तत्राणिमादिकं सर्वं सङ्कल्प्य मनसा पुनः ।रत्नजं वाथ सौवर्णं स्फटिकं वा सलक्षणम् ।लिङ्गं सवेदिकं चैव स्थापयित्वा विधानतः॥ ६७.१६ ॥

tatrANimAdikaM sarvaM sa~Nkalpya manasA punaH | ratnajaM vAtha sauvarNaM sphaTikaM vA salakShaNam | li~NgaM savedikaM chaiva sthApayitvA vidhAnataH

तत्रावाह्य यजेद्देवं साम्बं सगणमव्ययम् ।तत्र माहेश्वरी कल्प्या मूर्तिर्मूर्तिमतः प्रभोः॥ ६७.१७ ॥

tatrAvAhya yajeddevaM sAmbaM sagaNamavyayam | tatra mAheshvarI kalpyA mUrtirmUrtimataH prabhoH

चतुर्भुजा चतुर्वक्त्रा सर्वाभरणभूषिता ।शार्दूलचर्मवसना किञ्चिद्विहसितानना॥ ६७.१८ ॥

chaturbhujA chaturvaktrA sarvAbharaNabhUShitA | shArdUlacharmavasanA ki~nchidvihasitAnanA

वरदाभयहस्ता च मृगटङ्कधरा तथा ।अथवाष्टभुजा चिन्त्या चिन्तकस्य यथारुचि॥ ६७.१९ ॥

varadAbhayahastA cha mR^igaTa~NkadharA tathA | athavAShTabhujA chintyA chintakasya yathAruchi

तदा त्रिशूलपरशुखड्गवज्राणि दक्षिणे ।वामे पाशाङ्कुशौ तद्वत्खेटं नागं च बिभ्रती॥ ६७.२० ॥

tadA trishUlaparashukhaDgavajrANi dakShiNe | vAme pAshA~Nkushau tadvatkheTaM nAgaM cha bibhratI

बालार्कसदृशप्रख्या प्रतिवक्त्रं त्रिलोचना ।तस्याः पूर्वमुखं सौम्यं स्वाकारसदृशप्रभम्॥ ६७.२१ ॥

bAlArkasadR^ishaprakhyA prativaktraM trilochanA | tasyAH pUrvamukhaM saumyaM svAkArasadR^ishaprabham

दक्षिणं नीलजीमूतसदृशं घोरदर्शनम् ।उत्तरं विद्रुमप्रख्यं नीलालकविभूषितम्॥ ६७.२२ ॥

dakShiNaM nIlajImUtasadR^ishaM ghoradarshanam | uttaraM vidrumaprakhyaM nIlAlakavibhUShitam

पश्चिमं पूर्णचन्द्राभं सौम्यमिन्दुकलाधरम् ।तदङ्कमण्डलारूढा शक्तिर्माहेश्वरी परा॥ ६७.२३ ॥

pashchimaM pUrNachandrAbhaM saumyamindukalAdharam | tada~NkamaNDalArUDhA shaktirmAheshvarI parA

महालक्ष्मीरिति ख्याता श्यामा सर्वमनोहरा ।मूर्तिं कृत्वैवमाकारां सकलीकृत्य च क्रमात्॥ ६७.२४ ॥

mahAlakShmIriti khyAtA shyAmA sarvamanoharA | mUrtiM kR^itvaivamAkArAM sakalIkR^itya cha kramAt

मूर्तिमन्तमथावाह्य यजेत्परमकारणम् ।स्नानार्थे कल्पयेत्तत्र पञ्चगव्यं तु कापिलम्॥ ६७.२५ ॥

mUrtimantamathAvAhya yajetparamakAraNam | snAnArthe kalpayettatra pa~nchagavyaM tu kApilam

पञ्चामृतं च पूर्णानि बीजानि च विशेषतः ।पुरस्तान्मण्डलं कृत्वा रत्नचूर्णाद्यलङ्कृतम्॥ ६७.२६ ॥

pa~nchAmR^itaM cha pUrNAni bIjAni cha visheShataH | purastAnmaNDalaM kR^itvA ratnachUrNAdyala~NkR^itam

कर्णिकायां प्रविन्यस्येदीशानकलशं पुनः ।सद्यादिकलशान्पश्चात्परितस्तस्य कल्पयेत्॥ ६७.२७ ॥

karNikAyAM pravinyasyedIshAnakalashaM punaH | sadyAdikalashAnpashchAtparitastasya kalpayet

ततो विद्येशकलशानष्टौ पूर्वादिवत्क्रमात् ।तीर्थाम्बुपूरितान्कृत्वा सूत्रेणावेष्ट्य पूर्ववत्॥ ६७.२८ ॥

tato vidyeshakalashAnaShTau pUrvAdivatkramAt | tIrthAmbupUritAnkR^itvA sUtreNAveShTya pUrvavat

पुण्यद्रव्याणि निक्षिप्य समन्त्रं सविधानकम् ।दुकूलाद्येन वस्त्रेण समाच्छाद्य समन्ततः॥ ६७.२९ ॥

puNyadravyANi nikShipya samantraM savidhAnakam | dukUlAdyena vastreNa samAchChAdya samantataH

सर्वत्र मन्त्रं विन्यस्य तत्तन्मन्त्रपुरः सरम् ।स्नानकाले तु सम्प्राप्ते सर्वमङ्गलनिःस्वनैः॥ ६७.३० ॥

sarvatra mantraM vinyasya tattanmantrapuraH saram | snAnakAle tu samprApte sarvama~NgalaniHsvanaiH

पञ्चगव्यादिभिश्चैव स्नापयेत्परमेश्वरम् ।ततः कुशोदकाद्यानि स्वर्णरत्नोदकान्यपि॥ ६७.३१ ॥

pa~nchagavyAdibhishchaiva snApayetparameshvaram | tataH kushodakAdyAni svarNaratnodakAnyapi

गन्धपुष्पादिसिद्धानि मन्त्रसिद्धानि च क्रमात् ।उद्धृत्योद्धृत्य मन्त्रेण तैस्तैः स्नाप्य महेश्वरम्॥ ६७.३२ ॥

gandhapuShpAdisiddhAni mantrasiddhAni cha kramAt | uddhR^ityoddhR^itya mantreNa taistaiH snApya maheshvaram

गन्धपुष्पादिदीपांश्च पूजाकर्म समाचरेत् ।पलावरः स्यादालेप एकादशपलोत्तरः॥ ६७.३३ ॥

gandhapuShpAdidIpAMshcha pUjAkarma samAcharet | palAvaraH syAdAlepa ekAdashapalottaraH

सुवर्णरत्नपुष्पाणि शुभानि सुरभीणि च ।नीलोत्पलाद्युत्पलानि बिल्वपत्राण्यनेकशः॥ ६७.३४ ॥

suvarNaratnapuShpANi shubhAni surabhINi cha | nIlotpalAdyutpalAni bilvapatrANyanekashaH

कमलानि च रक्तानि श्वेतान्यपि च शम्भवे ।कृष्णागुरूद्भवो धूपः सकर्पूराज्यगुग्गुलः॥ ६७.३५ ॥

kamalAni cha raktAni shvetAnyapi cha shambhave | kR^iShNAgurUdbhavo dhUpaH sakarpUrAjyaguggulaH

कपिलाघृतसंसिद्धा दीपाः कर्पूरवर्तिजाः ।पञ्च ब्रह्मषडङ्गानि पूज्यान्यावरणानि च॥ ६७.३६ ॥

kapilAghR^itasaMsiddhA dIpAH karpUravartijAH | pa~ncha brahmaShaDa~NgAni pUjyAnyAvaraNAni cha

नैवेद्यः पयसा सिद्धः स गुडाज्यो महाचरुः ।पाटलोत्पलपद्माद्यैः पानीयं च सुगन्धितम्॥ ६७.३७ ॥

naivedyaH payasA siddhaH sa guDAjyo mahAcharuH | pATalotpalapadmAdyaiH pAnIyaM cha sugandhitam

पञ्चसौगन्धिकोपेतं ताम्बूलं च सुसंस्कृतम् ।सुवर्णरत्नसिद्धानि भूषणानि विशेषतः॥ ६७.३८ ॥

pa~nchasaugandhikopetaM tAmbUlaM cha susaMskR^itam | suvarNaratnasiddhAni bhUShaNAni visheShataH

वासांसि च विचित्राणि सूक्ष्माणि च नवानि च ।दर्शनीयानि देयानि गानवाद्यादिभिः सह॥ ६७.३९ ॥

vAsAMsi cha vichitrANi sUkShmANi cha navAni cha | darshanIyAni deyAni gAnavAdyAdibhiH saha

जपश्च मूलमन्त्रस्य लक्षः परमसङ्ख्यया ।एकावरा त्र्युत्तरा च पूजा फलवशादिह॥ ६७.४० ॥

japashcha mUlamantrasya lakShaH paramasa~NkhyayA | ekAvarA tryuttarA cha pUjA phalavashAdiha

दशसङ्ख्यावरो होमः प्रतिद्रव्यं शतोत्तरः ।घोररूपश्शिवश्चिन्त्यो मारणोच्चाटनादिषु॥ ६७.४१ ॥

dashasa~NkhyAvaro homaH pratidravyaM shatottaraH | ghorarUpashshivashchintyo mAraNochchATanAdiShu

शिवलिङ्गे शिवाग्नौ च ह्यन्यासु प्रतिमासु च ।चिन्त्यः सौम्यतनुः शम्भुः कार्ये शान्तिकपौष्टिके॥ ६७.४२ ॥

shivali~Nge shivAgnau cha hyanyAsu pratimAsu cha | chintyaH saumyatanuH shambhuH kArye shAntikapauShTike

आयसौ स्रुक्स्रुवौ कार्यौ मारणादिसु कर्मसु ।तदन्यत्र तु सौवर्णौ शान्तिकाद्येषु कृत्स्नशः॥ ६७.४३ ॥

Ayasau sruksruvau kAryau mAraNAdisu karmasu | tadanyatra tu sauvarNau shAntikAdyeShu kR^itsnashaH

दूर्वया घृतगोक्षीरमिश्रया मधुना तथा ।चरुणा सघृतेनैव केवलं पयसापि वा॥ ६७.४४ ॥

dUrvayA ghR^itagokShIramishrayA madhunA tathA | charuNA saghR^itenaiva kevalaM payasApi vA

जुहुयान्मृत्युविजये तिलै रोगोपशान्तये ।घृतेन पयसा चैव कमलैर्वाथ केवलैः॥ ६७.४५ ॥

juhuyAnmR^ityuvijaye tilai rogopashAntaye | ghR^itena payasA chaiva kamalairvAtha kevalaiH

समृद्धिकामो जुहुयान्महादारिद्र्यशान्तये ।जातीपुष्पेण वश्यार्थी जुहुयात्सघृतेन तु॥ ६७.४६ ॥

samR^iddhikAmo juhuyAnmahAdAridryashAntaye | jAtIpuShpeNa vashyArthI juhuyAtsaghR^itena tu

घृतेन करवीरैश्च कुर्यादाकर्षणं द्विजः ।तैलेनोच्चाटनं कुर्यात्स्तम्भनं मधुना पुनः॥ ६७.४७ ॥

ghR^itena karavIraishcha kuryAdAkarShaNaM dvijaH | tailenochchATanaM kuryAtstambhanaM madhunA punaH

स्तम्भनं सर्षपेणापि लशुनेन तु पातनम् ।ताडनं रुधिरेण स्यात्खरस्योष्ट्रस्य चोभयोः॥ ६७.४८ ॥

stambhanaM sarShapeNApi lashunena tu pAtanam | tADanaM rudhireNa syAtkharasyoShTrasya chobhayoH

मारणोच्चाटने कुर्याद्रोहिबीजैस्तिलान्वितैः ।विद्वेषणं च तैलेन कुर्याल्लाङ्गलकस्य तु॥ ६७.४९ ॥

mAraNochchATane kuryAdrohibIjaistilAnvitaiH | vidveShaNaM cha tailena kuryAllA~Ngalakasya tu

बन्धनं रोहिबीजेन सेनास्तम्भनमेव च ।रक्तसर्षपसम्मिश्रैर्होमद्रव्यैरशेषतः॥ ६७.५० ॥

bandhanaM rohibIjena senAstambhanameva cha | raktasarShapasammishrairhomadravyairasheShataH

हस्तयन्त्रोद्भवैस्तैलैर्जुहुयादाभिचारिके ।कटुकीतुषसंयुक्तैः कार्पासास्थिभिरेव च॥ ६७.५१ ॥

hastayantrodbhavaistailairjuhuyAdAbhichArike | kaTukItuShasaMyuktaiH kArpAsAsthibhireva cha

सर्षपैस्तैलसम्मिश्रैर्जुहुयादाभिचारिके ।ज्वरोपशान्तिदं क्षीरं सौभाग्यफलदं तथा॥ ६७.५२ ॥

sarShapaistailasammishrairjuhuyAdAbhichArike | jvaropashAntidaM kShIraM saubhAgyaphaladaM tathA

सर्वसिद्धिकरो होमः क्षौद्राज्यदधिभिर्युतैः ।क्षीरेण तन्दुलैश्चैव चरुणा केवलेन वा॥ ६७.५३ ॥

sarvasiddhikaro homaH kShaudrAjyadadhibhiryutaiH | kShIreNa tandulaishchaiva charuNA kevalena vA

शान्तिकं पौष्टिकं वापि सप्तभिः समिदादिभिः ।द्रव्यैर्विशेषतो होमे वश्यमाकर्षणं तथा॥ ६७.५४ ॥

shAntikaM pauShTikaM vApi saptabhiH samidAdibhiH | dravyairvisheShato home vashyamAkarShaNaM tathA

वश्यमाकर्षणं चैव श्रीपदं च विशेषतः ।बिल्वपत्रैस्तु हवनं शत्रोर्विजयदं तथा॥ ६७.५५ ॥

vashyamAkarShaNaM chaiva shrIpadaM cha visheShataH | bilvapatraistu havanaM shatrorvijayadaM tathA

समिधः शान्तिकार्येषु पालाशखदिरादिकाः ।करवीरार्कजाः क्रौर्ये कण्टकिन्यश्च विग्रहे॥ ६७.५६ ॥

samidhaH shAntikAryeShu pAlAshakhadirAdikAH | karavIrArkajAH kraurye kaNTakinyashcha vigrahe

प्रशान्तः शान्तिकं कुर्यात्पौष्टिकं च विशेषतः ।निर्घृणः क्रुद्धचित्तस्तु प्रकुर्यादाभिचारिकम्॥ ६७.५७ ॥

prashAntaH shAntikaM kuryAtpauShTikaM cha visheShataH | nirghR^iNaH kruddhachittastu prakuryAdAbhichArikam

अतीव दुरवस्थायां प्रतीकारान्तरं न चेत् ।आततायिनमुद्दिश्य प्रकुर्यादाभिचारिकम्॥ ६७.५८ ॥

atIva duravasthAyAM pratIkArAntaraM na chet | AtatAyinamuddishya prakuryAdAbhichArikam

स्वराष्ट्रपतिमुद्दिश्य न कुर्यादाभिचारिकम् ।यद्यास्तिकः सुधर्मिष्ठो मान्यो वा योऽपि कोऽपि वा॥ ६७.५९ ॥

svarAShTrapatimuddishya na kuryAdAbhichArikam | yadyAstikaH sudharmiShTho mAnyo vA yo.api ko.api vA

तमुद्दिश्यापि नो कुर्यादाततायिनमप्युत ।मनसा कर्मणा वाचा योऽपि कोऽपि शिवाश्रितः॥ ६७.६० ॥

tamuddishyApi no kuryAdAtatAyinamapyuta | manasA karmaNA vAchA yo.api ko.api shivAshritaH

स्वराष्ट्रपतिमुद्दिश्य शिवा श्रितमथापि वा ।कृत्वाभिचारिकं कर्म सद्यो विनिपतेन्नरः॥ ६७.६१ ॥

svarAShTrapatimuddishya shivA shritamathApi vA | kR^itvAbhichArikaM karma sadyo vinipatennaraH

स्वराष्ट्रपालकं तस्माच्छिवभक्तं च कञ्चन ।न हिंस्यादभिचाराद्यैर्यदीच्छेत्सुखमात्मनः॥ ६७.६२ ॥

svarAShTrapAlakaM tasmAchChivabhaktaM cha ka~nchana | na hiMsyAdabhichArAdyairyadIchChetsukhamAtmanaH

अन्यं कमपि चोद्दिश्य कृत्वा वै मारणादिकम् ।पश्चात्तापेन संयुक्तः प्रायश्चित्तं समाचरेत्॥ ६७.६३ ॥

anyaM kamapi choddishya kR^itvA vai mAraNAdikam | pashchAttApena saMyuktaH prAyashchittaM samAcharet

बाणलिङ्गेऽपि वा कुर्यान्निर्धनो धनवानपि ।स्वयम्भूतेऽथ वा लिङ्गे आर्षके वैदिकेऽपि वा॥ ६७.६४ ॥

bANali~Nge.api vA kuryAnnirdhano dhanavAnapi | svayambhUte.atha vA li~Nge ArShake vaidike.api vA

अभावे हेमरत्नानामशक्तौ च तदर्जने ।मनसैवाचरेदेतद् द्रव्यैर्वा प्रतिरूपकैः॥ ६७.६५ ॥

abhAve hemaratnAnAmashaktau cha tadarjane | manasaivAcharedetad dravyairvA pratirUpakaiH

क्वचिदंशे तु यः शक्तस्त्वशक्तः क्वचिदंशके ।सोऽपि शक्त्यनुसारेण कुर्वंश्चेत्फलमृच्छति॥ ६७.६६ ॥

kvachidaMshe tu yaH shaktastvashaktaH kvachidaMshake | so.api shaktyanusAreNa kurvaMshchetphalamR^ichChati

कर्मण्यनुष्ठितेऽप्यस्मिन्फलं यत्र न दृश्यते ।द्विस्त्रिर्वावर्तयेत्तत्र सर्वथा दृश्यते फलम्॥ ६७.६७ ॥

karmaNyanuShThite.apyasminphalaM yatra na dR^ishyate | dvistrirvAvartayettatra sarvathA dR^ishyate phalam

पूजोपयुक्तं यद् द्रव्यं हेमरत्नाद्यनुत्तमम् ।तत्सर्वं गुरवे दद्याद् दक्षिणां च ततः पृथक्॥ ६७.६८ ॥

pUjopayuktaM yad dravyaM hemaratnAdyanuttamam | tatsarvaM gurave dadyAd dakShiNAM cha tataH pR^ithak

स चेन्नेच्छति तत्सर्वं शिवाय विनिवेदयेत् ।अथवा शिवभक्तेभ्यो नान्येभ्यस्तु प्रदीयते॥ ६७.६९ ॥

sa chennechChati tatsarvaM shivAya vinivedayet | athavA shivabhaktebhyo nAnyebhyastu pradIyate

यः स्वयं साधयेच्छक्त्या गुर्वादिनिरपेक्षया ।सोऽप्येवमाचरेदत्र न गृह्णीयात्स्वयं पुनः॥ ६७.७० ॥

yaH svayaM sAdhayechChaktyA gurvAdinirapekShayA | so.apyevamAcharedatra na gR^ihNIyAtsvayaM punaH

स्वयं गृह्णाति यो लोभात्पूजाङ्गद्रव्यमुत्तमम् ।काङ्क्षितं न लभेन्मूढो नात्र कार्या विचारणा॥ ६७.७१ ॥

svayaM gR^ihNAti yo lobhAtpUjA~Ngadravyamuttamam | kA~NkShitaM na labhenmUDho nAtra kAryA vichAraNA

अर्चितं यत्तु तल्लिङ्गं गृह्णीयाद्वा न वा स्वयम् ।गृह्णीयाद्यदि तन्नित्यं स्वयं वान्योऽपि वार्चयेत्॥ ६७.७२ ॥

architaM yattu talli~NgaM gR^ihNIyAdvA na vA svayam | gR^ihNIyAdyadi tannityaM svayaM vAnyo.api vArchayet

यथोक्तमेव कर्मैतदाचरेद्योऽनपायतः ।फलं व्यभिचरेन्नैवमित्यतः किं प्ररोचकम्॥ ६७.७३ ॥

yathoktameva karmaitadAcharedyo.anapAyataH | phalaM vyabhicharennaivamityataH kiM prarochakam

तथाप्युद्देशतो वक्ष्ये कर्मणः सिद्धिमुत्तमाम् ।अपि शत्रुभिराक्रान्तो व्याधिभिर्वाप्यनेकशः॥ ६७.७४ ॥

tathApyuddeshato vakShye karmaNaH siddhimuttamAm | api shatrubhirAkrAnto vyAdhibhirvApyanekashaH

मृत्योरास्यगतश्चापि मुच्यते निरपायतः ।पूजायतेऽतिकृपणो रिक्तो वैश्रवणायते॥ ६७.७५ ॥

mR^ityorAsyagatashchApi muchyate nirapAyataH | pUjAyate.atikR^ipaNo rikto vaishravaNAyate

कामायते विरूपोऽपि वृद्धोऽपि तरुणायते ।शत्रुर्मित्रायते सद्यो विरोधी किङ्करायते॥ ६७.७६ ॥

kAmAyate virUpo.api vR^iddho.api taruNAyate | shatrurmitrAyate sadyo virodhI ki~NkarAyate

विषायते यदमृतं विषमप्यमृतायते ।स्थलायते समुद्रोऽपि स्थलमप्यर्णवायते॥ ६७.७७ ॥

viShAyate yadamR^itaM viShamapyamR^itAyate | sthalAyate samudro.api sthalamapyarNavAyate

महीधरायते श्वभ्रं स च श्वभ्रायते गिरिः ।पद्माकरायते वह्निः सरो वैश्वानरायते॥ ६७.७८ ॥

mahIdharAyate shvabhraM sa cha shvabhrAyate giriH | padmAkarAyate vahniH saro vaishvAnarAyate

वनायते यदुद्यानं तदुद्यानायते वनम् ।सिंहायते मृगः क्षुद्रः सिंहः क्रीडामृगायते॥ ६७.७९ ॥

vanAyate yadudyAnaM tadudyAnAyate vanam | siMhAyate mR^igaH kShudraH siMhaH krIDAmR^igAyate

स्त्रियोऽभिसारिकायन्ते लक्ष्मीः सुचरितायते ।स्वैरप्रेष्यायते वाणी कीर्तिस्तु गणिकायते॥ ६७.८० ॥

striyo.abhisArikAyante lakShmIH sucharitAyate | svairapreShyAyate vANI kIrtistu gaNikAyate

स्वैराचारायते मेधा वज्रसूचीयते मनः ।महावातायते शक्तिर्बलं मत्तगजायते॥ ६७.८१ ॥

svairAchArAyate medhA vajrasUchIyate manaH | mahAvAtAyate shaktirbalaM mattagajAyate

स्तम्भायते समुद्योगैः शत्रुपक्षे स्थिता क्रिया ।शत्रुपक्षायतेऽरीणां सर्व एव सुहृज्जनः॥ ६७.८२ ॥

stambhAyate samudyogaiH shatrupakShe sthitA kriyA | shatrupakShAyate.arINAM sarva eva suhR^ijjanaH

शत्रवः कुणपायन्ते जीवन्तोऽपि सबान्धवाः ।आपन्नोऽपि गतारिष्टः स्वयं खल्वमृतायते॥ ६७.८३ ॥

shatravaH kuNapAyante jIvanto.api sabAndhavAH | Apanno.api gatAriShTaH svayaM khalvamR^itAyate

रसायनायते नित्यमपथ्यमपि सेवितम् ।अनिशं क्रियमाणापि रतिस्त्वभिनवायते॥ ६७.८४ ॥

rasAyanAyate nityamapathyamapi sevitam | anishaM kriyamANApi ratistvabhinavAyate

अनागतादिकं सर्वं करस्थामलकायते ।यादृच्छिकफलायन्ते सिद्धयोऽप्यणिमादयः॥ ६७.८५ ॥

anAgatAdikaM sarvaM karasthAmalakAyate | yAdR^ichChikaphalAyante siddhayo.apyaNimAdayaH

बहुनात्र किमुक्तेन सर्वकामार्थसिद्धिषु ।अस्मिन्कर्मणि निर्वृत्ते त्वनवाप्यं न विद्यते॥ ६७.८६ ॥

bahunAtra kimuktena sarvakAmArthasiddhiShu | asminkarmaNi nirvR^itte tvanavApyaM na vidyate